Dagur eru augljóslega maður Ingibjargar Sólrúnar, hennar útvaldi arftaki.
Hann gengur samt ansi langt í vörn sinni fyrir ráðherrann og flokksformanninn Ingibjörgu þegar talar um að Jón Baldvin „níði af henni skóinn“.
Ingibjörg Sólrún var annar foringinn í ríkisstjórn Íslands þegar íslenska hagkerfið hrundi. Ríkisstjórnin hefur fengið viðurnefnið „aðgerðaleysisstjórnin“. Þorvaldur Gylfason hefur kallað það „mestu afglöp“ lýðveldistímans að hafa ekki brugðist við í aðdraganda hrunsins.
Það er mikil krafa um að þeir sem stjórnuðu Íslandi á tíma hrunsins axli ábygð. Varla telur Dagur að Ingibjörg Sólrún sé þar undanþegin.
Annar er dálítið spaugilegt að minnast þess að Ingibjörg Sólrún var á sínum tíma útvalinn arftaki Jóns Baldvins. Hann hampaði henni mikið á þeim tíma þegar hann var að hverfa úr stjórnmálunum – og gerði ýmislegt til að ýta undir hana sem framtíðarleiðtoga sósíaldemókrata.
Annars talaði Sigmundur Davíð um það í viðtali um daginn að Samfylkingin væri sífelt að „hanna atburðarás“.
Er það ekki nákvæmlega þetta sem við höfum orðið vitni að nú um helgina?
