Aðdáendur sjónvarpsþáttanna Bachelor ættu að kannast við Jennu Cooper. Cooper keppti um ást Arie Luyendyk Jr í 22 þáttaröð The Bachelor. Cooper vann ekki hjarta Luyendyk en sneri aftur í fimmtu þáttaröð Bachelor in Paradise árið 2018. Cooper fann ástina þar með Jordan Kimball. Kimball og Cooper trúlofuðu sig í lokaþættinum og hamingjan var allsráðandi. Stuttu seinna bárust fregnir um að Cooper væri ekki við eina fjölina felld. Ásakanir um að Cooper ætti svokallaðan „sykurpabba“ breiddust um allt internetið. Kimball birti skjáskot af skilaboðum sem áttu að vera á milli Cooper og „sykurpabbans“ en Cooper harðneitaði sök. Sleit Kimball trúlofuninni og Bachelor aðdáendur fóru ekki mjúkum höndum um Cooper. Cooper hélt alltaf fram sakleysi sínu og að hún hefði aldrei sent þessi skilaboð. Fylgi Cooper á samfélagsmiðlum minnkaði og var mikil reiði í garð hennar frá aðdáendum þáttanna.
Gekk í gegnum erfiða tíma en fann hamingjuna
Cooper gekk í gegnum erfiða tíma eftir þetta en tókst þó að finna ástina í örmum Karl Hudson. Cooper náði svo að sanna sakleysi sitt og réð sérfræðing til að rekja skilaboðin. Í ljós kom að skilaboðin voru fölsuð en ekki er enn búið að komast til botns í hverjir sökudólgarnir eru. Þungu fargi var létt af Cooper og naut hún lífsins með Hudson sér við hlið. Cooper varð fljótt ólétt og fæddi stúlku þann 30. Maí. Fékk hún nafnið Presley.Hamingjan var mikil en Cooper setti inn einlæga færslu á Instagram þar sem hún lýsti því hvernig er að vera nýbökuð móðir. „Ég vildi vera viss um að allir sæju að bumban mín er enn hér. Ég hef fengið yndisleg skilaboð og vildi þakka fyrir það. Hrósin ykkar hafa hjálpað mér virkilega mikið með sjálfstraust mitt. Ég vildi samt upplýsa ykkur um að ég hef verið að eiga við erfiðleika í samtal við líkamsímynd mína, nýjar tilfinningar og ábyrgð. Ég vakna ekki bara ofur hamingjusöm, ég þarf að vinna fyrir því. Presley er mín stærsta blessun og er ég svo þakklát fyrir að fá að vera mamma hennar. En ég á líka slæma daga og ég vildi bara að þið vissuð að þið eruð ekki ein. Hver kona hefur sinn líkama og sína reynslu. Gerum bara okkar besta og það er nóg. Það hjálpar mér að segja sjálfri mér að líkami minn sé sterkur og hafi gert mig að móður, að ég sé þess virði og elskuð. Og það ert þú líka!“ segir Cooper.
https://www.instagram.com/p/CB0h5XTjAMu/
