Leikarinn Brad Pitt, 55 ára, er byrjaður að deita skartgripahönnuðinn og heilarann Sat Hari Khalsa, 50 ára, samkvæmt heimildum tímaritsins Us Weekly.
„Hún er mjög sterk,“ segir heimildarmaðurinn um Sat. „Og hún er með fallegan huga. Hann (Brad) laðast að því,“ bætir hann við.
Sögusagnir um samband þeirra Brad og Sat fóru fyrst á kreik fyrir um ári síðan þegar þau sáust hlæja saman, hlið við hlið, á góðgerðarviðburði. Þau töluðu mikið saman það kvöld en vísuðu sögusögnum um ástarsamband á bug. Heimildarmaður Us Weekly segir sambandið hins vegar ekki mjög alvarlegt – enn þá.
„Brad er ekki kominn á þann stað enn þá,“ segir hann. „Sat er sérstök fyrir honum og hann elskar að eyða tíma með henni.“
Brad var kvæntur leikkonunni Jennifer Aniston á árunum 2000 til 2005. Hann byrjaði kjölfarið með leikkonunni Angelinu Jolie, en þau gengu í það heilaga árið 2014. Þau tilkynntu um skilnað sinn árið 2016 og deila forræði yfir börnunum Maddox, 18 ára, Pax, 15 ára, Zahara, 14 ára, Shiloh, 13 ára, Knox, 11 ára og Vivienne, 11 ára.
