Ivoon og Jonathan eru ástfangin. Ivoon er um 1.17 metrar og Jonathan er töluvert hærri en hún. Ivoon fæddist með sjaldgæfan genagalla og er það ástæðan fyrir hæð hennar. Sjúkdómurinn hefur einnig áhrif á lifrina, nýrun, hjartað og beinin. Barcroft TV fjallar um parið í nýju YouTube myndbandi.
Ivoon og Jonathan hafa verið saman í sex ár og eina saman eina dóttur sem er tveggja og hálfs árs.
„Við elskum hvort annað svo mikið,“ segir Jonathan.
Dómharður heimur
Þó ástin sé sterk þá finnur parið daglega fyrir ljótum augngotum þegar þau eru á almannafæri. Jonathan segist vera dæmdur fyrir stærð kærustu sinnar.
Þegar þau fara út sem par finnur Ivoon fyrir óvelkominni athygli.
„Þegar við byrjuðum fyrst að hittast þá deildi hann mynd af okkur saman og fólk spurði: „Er þetta í alvöru kærasta þín?“ Í hvert skipti sem við förum eitthvert fáum við alltaf einhver viðbrögð frá fólki. Við höfum lent í nokkrum mjög slæmum atvikum. Hann hefur farið að tala við fólk,“ segir Ivoon.
„Það er klikkað þegar maður sér fólk reyna að taka myndir af okkur í laumi,“ segir Jonathan.
„Fyrst kom þetta okkur í uppnám en núna hlægjum við að þessu.“
Horfðu á þáttinn hér að neðan.