Clemmie Hooper er frægur mömmu-áhrifavaldur, en hún hefur verið afhjúpuð fyrir að vera einnig nettröllið AliceInWanderlust.
Clemmie nýtur mikilla vinsælda á Instagram og heldur úti síðunni @Mother_of_daughters sem er með um 650 þúsund fylgjendur. Hún og maðurinn hennar, Simon, eiga saman fjórar dætur. Simon nýtur líka mikilla vinsælda á Instagram og er með um milljón fylgjendur á miðlinum.
https://www.instagram.com/p/B4Nzmf9lA0e/
Slúðursíðan Tattle.life er þar sem nettröll og aðrir einstaklingar koma saman til að slúðra og tala um áhrifavalda. Clemmie bjó sér til leyniaðgang undir nafninu AliceInWanderlust.
Undir því nafni sagði hún mikið af ljótum hlutum um aðra mömmu-áhrifavalda. Þá helst Bethie Hungerford og Lauru Rutherford. En hún sagði ekki einungis ljóta hluti um þær heldur einnig um eiginmann sinn. Clemmie sagði meðal annars að Bethie Hungerford væri „örvæntingarfull“ og kallaði eiginmann sinn „bjána“ (e. twat).
En hvernig var hún afhjúpuð?
Netverjar fóru að taka eftir því að Clemmie gæti hugsanlega verið AliceInWanderlust eftir að hin síðarnefnda sagðist vera á leiðinni til Karíbaeyja á sama tíma og móðir dætra.
Síðan deildi Laura Rutherford, eitt helsta skotmark Clemmie, færslu sem má sjá hér að neðan.
https://www.instagram.com/p/B4hqLEhnJ9F/
Í færslunni hvetur hún „Alice“ til að stíga fram. Sem Clemmie gerði í kjölfarið á Instagram.
„Fyrr á þessu ári varð ég vör við vefsíðu sem hafði þúsundir ummæla um mig og fjölskyldu mína. Ég varð sjúklega tortryggin og þetta hafði mun meiri áhrif á mig en ég vissi á þeim tíma. Ég ákvað, án þess að segja einhverjum, að búa til nafnlausan aðgang þannig að þessi hópur af fólki myndi trúa því að ég væri ein af þeim, þannig ég gæti kannski breytt skoðun þeirra til að verja fjölskyldu mína,“ skrifaði hún í Instagram Story.
„Ég varð gagntekin og þetta varð mikið stærra en ég gat ráðið við. Þegar notendum byrjaði að gruna að þetta væri ég gerði ég þau mistök að tala illa um aðra. Ég sé eftir því og mér þykir þetta virkilega leitt – ég veit að þetta hefur orsakað mikinn sársauka.“
Clemmie sagðist hafa án efa gleymt sér í þessum netheim og viðurkennir mistök sín. „Ég tek fulla ábyrgð á því sem gerðist og mér þykir þetta svo leitt.“
Simon Hooper, eiginmaður Clemmie, tjáði sig um málið á Instagram. Hann sagðist vera í ömurlegri stöðu og ekki ætla að afsaka eiginkonu sína á neinn hátt.
„Ég er bæði reiður og smá sorgmæddur. Ég get ekki samþykkt né almennilega skilið af hverju Clemmie gerði það sem hún gerði,“ segir hann og bætir við að hann hefði óskað þess að hún hefði leitað til hans frekar en að skrifa ljóta hluti um aðra undir dulnefni
https://www.instagram.com/p/B4qEyMMFNrd/
Málið hefur vakið mikla athygli og hafa fjölmiðlar á borð við Daily Mail, Insider og Metro fjallað um það. Clemmie hefur ekki tjáð sig frekar um málið og bíður fólk spennt eftir næstu færslu frá henni. Hvað segja lesendur, á að fyrirgefa Clemmie eða á hún að hætta á samfélagsmiðlum?