Ragnheiður Guðfinna Guðnadóttir, ráðgjafi í vinnusálfræði og fyrrverandi fegurðardrottning, og Reynir Grétarsson, stofnandi og eigandi Creditinfo Group, opinberuðu samband sitt á samfélagsmiðlum í vikunni, en þau hafa verið saman um nokkurt skeið. DV ákvað því að lesa í stjörnumerki parsins og athuga hvernig þau eiga saman.
Reynir er steingeit en Ragnheiður Guðfinna er vatnsberi. Þegar þessi tvö merki koma saman þá draga þau fram það jákvæða í fari hvort annars. Steingeitin er varkár og afar skynsöm á meðan vatnsberinn er mikil hugsjónamanneskja. Á yfirborðinu virðast Reynir og Ragnheiður Guðfinna vera algjörar andstæður en þeirra samband er sterkt. Þau fóru hægt í sakirnar til að byrja með, enda tekur steingeitin ekki annað í mál, og hafa nýtt síðustu mánuði í að kynnast almennilega.
Bæði steingeit og vatnsberi hafa skoðanir á öllu og stundum virðist sem þessi tvö merki geti ekki miðlað málum. Það er hins vegar ekki rétt og þarf maður einungis að vita hvernig á að nálgast merkin á þeirra forsendum. Steingeitin þrífst á skipulagi og hugsar allt til enda. Steingeitin getur orðið pirruð á sveimhuganum vatnsberanum en á móti kemur að vatnsberinn kynnir fyrir steingeitinni nýjan og spennandi heim. Að sama skapi skilur vatnsberinn oft ekki skipulagsáráttu steingeitarinnar en kann að meta öryggið sem fylgir merkinu.
Í raun snýst þetta í grunninn um málamiðlanir, eins og í hverju öðru sambandi, en hjá steingeit og vatnsbera þarf miklar málamiðlanir svo bæði merki geti blómstrað. Bæði Reynir og Ragnheiður Guðfinna eru metnaðargjörn og kæmi ekki á óvart þótt þau myndu taka höndum saman í öðru en ástinni á næstunni – nefnilega einhverju viðskiptatengdu. Það er allavega alltaf líf og fjör á þessu heimili, en þó hæfilega skipulagt.
Reynir
Fæddur: 21. desember 1972
Steingeit
-ábyrgur
-agaður
-góður stjórnandi
-skynsamur
-besservisser
-býst við hinu versta
Ragnheiður Guðfinna
Fædd: 27. janúar 1980
Vatnsberi
-frumleg
-sjálfstæð
-mannvinur
-drífandi
-flýr tilfinningar
-sveimhugi
