Í nýrri rannsókn, sem var gerð af Elithair, kom fram að sífellt fleiri missa hárið af völdum stress. Sum störf valda meira stressi en önnur og þar með meiri hármissi. Vinnan okkar getur því í bókstaflegri merkingu valdið hármissi.
Það er ekki ný uppgötvun að stress og hármissir tengist en tengslin verða sífellt greinilegri vegna þeirra aðstæðna sem margir búa við á vinnumarkaði nútímans. Of mikið álag, langir vinnudagar, atvinnuöryggi er ekki gott, allt þetta getur valdið krónísku stressi sem hefur áhrif á líkamann, þar á meðal hársvörðinn.
Mikið stress örvar framleiðslu kortísón, sem er stresshormónið. Ef of mikið er af þessu hormóni, þá truflar það hárvöxtinn og ýtir fólki of snemma inn í það tímabil þar sem hármissir hefst. Venjulega stendur vaxtatímabil hárs yfir árum saman, síðan fer það af náttúrulegum orsökum inn í hvíldartímabil og þar næst byrjar það að detta af fólki. Stress hraðar þessu ferli og hárið fer of snemma inn í hármissistímabilið.
Þau störf sem hafa mest áhrif á þetta eru, miðað við rannsókn Eltihair, í hótel- og veitingageiranum. Ástæðan er óreglulegur vinnutími, mikill hraði í vinnunni, pressa um að gera krefjandi viðskiptavini ánægða. Sem sagt eldfimur kokteill fyrir taugarnar og hársvörðinn.
Næst koma störf í farþega- og vöruflutningum.
Í þriðja sæti eru störf hjá því opinbera
Í fjórða sæti eru störf í fasteignageiranum og í fimmta sæti eru störf í heilbrigðisgeiranum.
