Tónlistarmaðurinn Ingólfur Þór Árnason, betur þekktur sem Indigó er látinn, 49 ára að aldri. Ingólfur Þór fæddist í Reykjavík 24. febrúar 1976 og bjó víða hér á landi, auk þess sem hann bjó í Amsterdam í Hollandi og London í Englandi um tíma.
Ingólfur Þór lést 26. febrúar í Portúgal. Hann skilur eftir sig tvær dætur Matthildi Nínu og Ylfu Rós, barnabarnið Ísak Leon, og móður, Signýju Ingibjörgu Hjartardóttur.
Árnína H.Guðjónsdóttir, bróðurdóttir Signýjar, hefur sett af stað söfnun fyrir móður Ingólfs sem vill flytja son sinn heim til greftrunar. Því fylgir mikill kostnaður og eru margir sem vilja aðstoða fjölskylduna.
Reikningsnúmer er neðar í þessari frétt.
„Kæru vinir og vandamenn.
Nú gengur Signý Ingibjörg Hjartardóttir og fjölskylda í gegnum mjög erfiða tíma.
Ingólfur sonur hennar lést þann 26. febrúar í Portúgal og Ingibjörg móðir hans er að vinna í því að fá hann heim.
Ljóst er að mikill kostnaður er framundan fyrir fjölskylduna og hafa margir haft samband sem vilja aðstoða hana.
Ég vil því setja í gang söfnun fyrir Ingibjörgu og fjölskyldu til að þurfa ekki að hafa áhyggjur af fjárhag í þessari miklu sorg.
Það skiptir ekki máli hver upphæðin er, margt smátt gerir eitt stórt.
Reikningsupplýsingar Signýjar Ingibjargar eru:
Reikningur: 0525-26-150158
Kennitala: 151055-0019
Kærleikskveðja.“
