Áslaug Arna Sigurbjörnsdóttir stefnir á að verða næsti formaður Sjálfstæðisflokksins, en hún tilkynnti framboð sitt á fjölmennum fundi í Sjálfstæðissalnum við Austurvöll í gær.
Hún hefur eins opnað framboðssíðuna aslaugarna.is en þar má kaupa af henni framboðsvarning, derhúfu, stílabók ásamt penna og loks skyndihjálparkassa.
Skyndihjálpakassinn kostar 6.500 kr. og segir í lýsingu að um sé að ræða skyldueign fyrir öll heimili. Áslaug tekur þó fram að hjartastuðtæki og leiðbeiningabæklingur um Heimlich-aðferðina fylgi ekki vel. Þarna vísar þingmaðurinn til atviks sem átti sér stað skömmu fyrir jól þegar Áslaug bjargaði lífi gestar á veitingastaðnum Kastrup.
Gesturinn lenti í því að það stóð í hinum, lyppaðist niður og náði ekki andanum. Þá myndaðist mikið fát og enginn vissi hvað ætti til bragðs að taka – enginn nema Áslaug sem gekk beint til verks og notaði Heimlich-aðferðina. Heimlich er björgunaraðferð til að ná aðskotahlut sem stendur í fólki. Það var læknirinn Heimlich sem bjó aðferðina til árið 1974 og hefur hún síðar bjargað fjölmörgum mannslífum.
