Jamie Carragher, goðsögn Liverpool, hefur skotið föstum skotum á Marcus Rashford sem er leikmaður Manchester United.
Rashford gaf það út í vikunni að hann væri að leitast að nýrri áskorun og er tíma hans hjá United líklega lokið.
Englendingurinn hefur lítið sem ekkert gert á vellinum undanfarin ár og virðist vera mjög ósáttur hjá uppeldisfélaginu.
,,Mér líður eins og við höfum talað um Marcus Rashford í heila viku og eins og ég hef sagt þá er hann ekki nógu góður leikmaður að við séum að ræða um hann svo oft,“ sagði Carragher.
,,Wayne Rooney var nógu góður, David Beckham var nógu góður og Cristiano Ronaldo var nógu góður.“
,,Ég styð það aldrei þegar leikmaður stígur fram og gagnrýnir sitt félag og að Rashford ákvað að gera þetta án þess að láta félagið vita og það setur hans yfirmenn í erfiða stöðu.“
