Guus Hiddink, fyrrum þjálfari Chelsea og hollenska landsliðsins, telur sig vita af hverju það gekk lítið hjá Erik ten Hag hjá Manchester United.

Hiddink segir að Ten Hag hafi tekið með sér of marga já-menn til Manchester og bendir aðallega á þjálfarateymið þar sem margar breytingar voru gerðar.

Hiddink er hollenskur líkt og Ten Hag og þekkir það vel að vinna í svipuðu umhverfi í nýju landi.

,,Allir sinna sinni vinnu á sinn hátt en ég var hissa þegar ég sá hversu marga Erik tók með sér,“ sagði Hiddink.

,,Á endanum ertu einn á eyju sem gerir það erfitt að komast inn í menningu félagsins og fólk byrjar að efast um þig.“

,,Ég tók alltaf einn aðstoðarmann með mér erlendis, einhvern sem gat rætt við um hluti í fótboltanum.“

,,Ég vildi líka vinna með þjálfurum sem voru til staðar og öðru stardsfólki. Fólki sem þekkti landið eða félagið vel.“