Real Sociedad 1 – 0 Barcelona
1-0 Sheraldo Becker
Orri Steinn Óskarsson kom inná sem varamaður í kvöld er Real Sociedad vann frábæran sigur í La Liga.
Real mætti einu besta liði heims ef ekki besta liðinu Barcelona og vann flottan 1-0 heimasigur.
Orri fékk ekki að byrja þennan leik en hann kom inná sem varamaður er um hálftími var eftir.
Staðan var þá 1-0 fyrir heimaliðinu og reyndist mark Sheraldo Becker það eina í viðureigninni.
Sociedad lyfti sér upp í áttunda sætið með sigrinum en er enn langt frá Barcelona sem er með sex stiga forskot á toppnum.
