Í nýjasta þætti af Íþróttavikunni á 433.is fóru þeir Helgi Fannar Sigurðsson og Hrafnkell Freyr Ágústsson meðal annars yfir Ballon d’Or verðlaunin sem veitt voru á dögunum.

Rodri í liði Manchester City vann verðlaunin en við það urðu aðilar tengdir Real Madrid allt annað en sáttir. Þeir höfðu búist við því að Vinicius Junior ynni og það gerði leikmaðurinn sjálfur einnig.

Hvorki hann né neinn frá Real Madrid lét sjá sig á verðlaunahátíðinni vegna þessa.

„Þetta er illa vandræðalegt. Týpan sem hann hefur verið lengi inni á vellinum, með leiðindi og skæting. Ég veit hann hefur lent í rasisma sem er ömurlegt en þarna kemur týpan svolítið í ljós, að geta ekki mætt þó þú sért í öðru sæti og samglaðst Rodri,“ sagði Hrafnkell.

„Það er alvarlegt að hann verði fyrir rasisma en hann er líka að fá skít bara því hann er leiðinlegur,“ sagði Helgi, en Vinicius er umdeildur leikmaður.

Umræðan í heild er í spilaranum.