Lögreglan á höfuðborgarsvæðinu er með til rannsóknar andlát stúlku á grunnskólaaldri. Þetta kemur fram í tilkynningu frá lögreglunni.

Tilkynnt var um málið um kvöldmatarleytið í gær og í kjölfarið var einn handtekinn í tengslum við það.

Rannsókn málsins er á frumstigi og ekki verða veittar frekari upplýsingar að svo stöddu, segir í tilkynningu lögreglu.

Málið tengist frétt um handtöku manns á Krýsuvíkursvæðinu í gær. Maðurinn var handtekinn þar um slóðir í gær eftir að hafa sjálfur hringt á lögreglu. Brotaþoli fannst þar einnig. Miklar lögregluaðgerðir voru á svæðinu í gær vegna málsins.