Kartöflur eru líklega á borðum á flestum heimilum í viku hverri. Þær eru kjörið meðlæti með ýmsum mat og einnig kjörinn matur einn og sér eða í kartöflusalat, gratín eða eitthvað allt annað. Þær eru góð uppspretta margvíslegra bætiefni.

En vissir þú að það er hægt að nota vatnið, sem þær eru soðnar í, til ýmissa hluta?

Flestir hella því eflaust bara í vaskinn og hugsa ekki meira út í það en kartöfluvatnið inniheldur „ókeypis elexír“.

Fyrir garðáhugafólk þá er kartöfluvatnið töfravopn. Það er áhrifaríkur illgresiseyðir og lífrænn áburður og því frábært fyrir þá sem vilja ekki nota tilbúin efni í garðinn. Linternaute segir að það að vökva garðinn vikulega með kartöfluvatni geti skilað ótrúlegum árangri á aðeins einum mánuði.

Það er líka hægt að nota kartöfluvatn við þrif! Ef þú bætir volgu kartöfluvatni út í skúringalöginn, þá getur þú náð fram gljáa á flísunum vegna sterkjunnar sem er í kartöfluvatninu. Láttu vatnið liggja á flísunum í tíu mínútur og skolaðu þær síðan með köldu vatni.

Kartöfluvatn er frábært til að þrífa silfur. Dýfðu tusku í kartöfluvatn og strjúktu silfrið síðan með henni.