Jeff Walz, eldri bróðir Tim Walz varaforsetaefni Demókrata í komandi forsetakosningum vestra, er ekki mikill aðdáandi bróður síns. „Ég er 100 prósent á móti allri hans hugmyndafræði,“ segir Jeff í færslu á samfélagsmiðlum sem New York Post greinir frá. Segir Jeff þar að Tim eigi ekki, að hans mati, koma nálægt framtíðarákvörðunum sem snerta hag Bandaríkjanna. Er hann svo á móti tilhugsuninni um bróður sinn í Hvíta húsinu að hann er að íhuga að mæta á svið með Donald Trump, forsetaefni Repúblikana, til þess að greina frá áhyggjum sínum varðandi hæfi bróður sín.

„Ég hef íhugað það vel og lengi. Ég er hins vegar ekki viss um hvort ég vilji leggja það á fjölskyldu mína,“ segir Jeff í áðurnefndri færslu en hann neitaði meðal annars frekara viðtali við NYP.

Jeff, sem er átta árum eldri en Tim og býr í Flórída, hefur ekki heyrt í Tim í átta ár. Segir hann bróður, sem í dag er ríkisstjóra Minnesota sinn ekki einu sinni hafa látið sig vita að hann hefði verið útnefndur varaforsetaefni Demókrata og er greinilega allt annað en sáttur með hinn valdamikla bróður sinn.