Annað ítalskt félag er nú á eftir markmanninum David de Gea en frá þessu greinir La Nazione á Ítalíu.

Genoa sýndi De Gea áhuga fyrr í sumar en hann biður um laun sem félagið getur einfaldlega ekki borgað.

De Gea er fáanlegur á frjálsri sölu eftir að hafa yfirgefið Manchester United fyrir síðasta tímabil.

Fiorentina er nú að reyna að semja við De Gea sem er ákveðinn í að snúa aftur fyrir komandi tímabil sem fer senn að hefjast.

Albert Guðmundsson er leikmaður Genoa en hann er einnig orðaður við Fiorentina sem er töluvert stærra félag í dag.

Samkvæmt heimildum miðilsins mun De Gea fá tilboð á næstu dögum og vonast til að ná samkomulagi varðandi kaup og kjör.