Manchester United hefur ákveðið að ráða Andreas Georgson til starfa en einhverjir gætu kannast við það nafn.
Um er að ræða 42 ára gamlan þjálfara sem hefur starfað hjá liðum eins og Arsenal, Brentford og Southampton.
Georgson var síðasta aðalþjálfari Lilleström í Noregi en ákvað að segja upp því starfi til að halda til Manchester.
Georgson verður hluti af þjálfarateymi United á komandi tímabili en hann var aðeins hjá Lilleström í sjö mánuði.
Nýir eigendur United eru svo sannarlega að taka til í þjálfaramálunum og verður allt annað teymi til taks á komandi tímabili.
