Snorri Másson, ritstjóri með meiru, benti á heldur óvenjulega auglýsingaherferð verslunarkeðju Bónus sem neytendur hafa mögulega tekið eftir. Er um að ræða auglýsingu sem virðist beinast að nýlegum auglýsingum Krónunnar, helsta samkeppnisaðalinum, um ódýrar vörur. Bendir Snorri á að markaðsherferð Krónunnar virðist hafa pirrað Bónus sem hafi svarað fyrir sig með þessum hætti.
Snorri fjallaði um málið í skemmtilegri færslu á Tiktok-síðu sinni fyrr í dag.
@snorrimassonBónus fer venjulega alls ekki í svona auglýsingaherferðir 🤔
„Bónus fílar þetta greinilega ekki. Það er ný herferð, meiriháttar herferð, í öllum fjölmiðlum núna þar sem gaur er að setja ódýrt miða á allar vörurnar í Bónus,” segir Snorri og hefur greinilega gaman að. Birtir hann svo brot úr auglýsingu lágvöruverslunarrisans, þar sem Sigurjón Kjartansson leikur lykilhlutverk, máli sínu til stuðnings.
„Þetta er áhugavert. Fyrst þegar ég sá auglýsingarnar hjá Krónunni þá hugsaði ég þetta er sniðugt en þetta getur ekki haft það mikil áhrif en greinilega er Bónus í ákveðinni örvæntingu með þetta,” segir ritstjórinn.
