Maður að nafni Adam Benito Pedie hefur verið dæmdur í þriggja ára fangelsi fyrir fíkniefnasmygl. Adam virðist ekki hafa íslenska kennitölu en þann 17. desember í fyrra fékk hann konu til að flytja hingað til lands tæplega 300 g af kókaíni og um 615 g af ketamíni með farþegaflugi. Konan valdi fíkniefnin innvortis og í fatnaði.

Þann 21. desember 2023 flutti önnur kona fíkniefni til landsins fyrir Adam með flugi, 124 g af kókaíni og rúmlega 230 g af ketamíni. Konan faldi fíkniefnin innvortis og hugðist afhenda Adam þau við komuna til landsins. Í báðum tilvikum fundust fíkniefni við röntgenskoðanir á konunum á flugvellinum.

Þriðja brotið varðar fíkniefnasendingu á pósthús en þangað lét Adam senda rúmlega 860 af ketaónmi en lögreglumenn stöðvuðu sendinguna á pósthúsinu. Þetta gerðist þann 8. janúar síðastliðinn.

Adam var einnig ákærður fyrir að hafa framvísað fölsuðum frönskum skilríkjum og fyrir að hafa fíkniefni undir höndum.

Adam neitaði sök í málunum, kannaðist við að hafa átt í samskiptum við konunar en neitaði því að hafa látið þær flytja fíkniefni fyrir sig landsins. Dómara þótti næg sönnunargögn liggja fyrir til að geta sakfelld Adam í öllum fimm ákæruliðunum. Hann hefur segið í gæsluvarðhaldi á Litla-Hrauni síðan 8. janúar og dregst sá tími frá refsingunni.