Héraðsdómur Reykjavíkur hefur sakfellt mann fyrir þrjú gripdeildar- og þjófnaðarbrot.
Maðurinn var meðal annars ákærður fyrir að hafa farið inn í fataverslunina Collections, klætt sig í föt í versluninni að verðmæti 372.760 kr. og gengið út úr versluninni án þess að greiða fyrir fötin.
Hann var einnig sakfelldur fyrir þjófnað á matvörum úr Krónunni fyrir 30 þúsund krónur og fyrir þjófnað úr Bónus fyrir rúmlega 70 þúsund krónur.
Maðurinn játaði skýlaust brot sín. Sakaferill hans er nokkuð langur og nær aftur til ársins 2011.
Hann var dæmdur í 30 daga fangelsi.
