Lögreglan í Englandi leitar að manninum sem sást moka kókaíni í nefið á sér þegar hann horfði á leik Englands og Slóvakíu á sunnudag.
Hópur fólks var saman kominn í Newcastle að horfa á leikinn þar sem gleðin var helst til of mikil hjá sumum.
Sky News var með beina útsendingu frá Newcastle þar sem tveir stuðningsmenn enska liðsins fengu sér kókaín.
Mennirnir byrjuðu að moka í nefið á sér og virtust hafa gaman af en líklega ekki áttað sig á því að þeir væru í beinni.
Lögreglan í Englandi vill ræða við manninn sem var með pokann og fékk sér og gaf vini sínum.
