Þýskaland 2 – 0 Danmörk
1-0 Kai Havertz(’53, víti)
2-0 Jamal Musiala(’68)
Heimamenn í Þýskalandi eru komnir í átta liða úrslit EM eftir leik gegn Dönum í Dortmund í kvöld.
Leikurinn litaðist verulega af VAR en alls þrjú mörk voru dæmd af, tvö hjá Þjóðverjum og eitt hjá Dönum.
Danir skoruðu mark sitt í seinni hálfleik og var það dæmt af en í næstu sókn var Þýskaland komið yfir.
Vítaspyrna var dæmd vegna hendi innan teigs og úr þeirri spyrnu skoraði Kai Havertz laglega.
Jamal Musiala bætti við öðru marki Þýskalands ekki of löngu seinna og eru Danir á heimleið eftir þessa viðureign.
