Hansi Flick tók við liði Barcelona í vetur en hann hefur áður þjálfað bæði Bayern Munchen og þýska landsliðið.
Ljóst er að Flick fær ekki auðvelt verkefni í fyrstu leikjum er Barcelona hefur undirbúningstímabil sitt í sumar.
Fyrsti leikur Flick sem stjóri Barcelona verður gegn Englandsmeisturum Manchester City en leikið verður í Bandaríkjunum.
Stuttu eftir það þarf Flick að spila ‘El Clasico’ en Barcelona mætir Real Madrid þann 30. júlí í New Jersey.
Þremur dögum seinna er verkefnið mögulega aðeins auðveldara en þá er andstæðingurinn ítalska stórliðið AC Milan.
Þessi byrjun er gríðarlega erfið fyrir Flick sem hefur aldrei þjálfað utan heimalandsins á sínum ferli.
