Manchester United er að íhuga það alvarlega að selja nafnið á heimavelli sínum, Old Trafford. Frá þessu segir The Athletic.
Sir Jim Ratcliffe vill gera þetta til að fjármagna endurbætur eða byggja nýjan völl. Félagið er að skoða hvað skal gera.
Ratcliffe vill auka tekjurnar hjá United og telur að þetta sé ein leið til þess, Arsenal og fleiri lið hafa gert þetta síðustu ár.
United hefur ekki viljað tjá sig um málið við Athletic en félagið er í viðræðum um málið.
United hefur einnig rætt við Bank of America um fjármögnun á endurbótum eða uppbyggingu á nýjum velli.
