Þjálfarateymi enska landsliðsins er farið að efast um það hvort Luke Shaw geti hreinlega tekið þátt í mótinu.
Shaw var tekinn með í 26 manna hóp Gareth Southgate og ljóst er að enska landsliðið saknar hans.
Shaw hafði verið meiddur í nokkra mánuði áður en mótið fór af stað en vonir stóðu til að hann gæti spilað gegn Slóveníu í næstu viku.
Shaw æfði hins vegar einn í dag og er því ekki klár í að æfa með liðinu.
Bakvörðurinn er 28 ára gamall og hefur verið í lykilhlutverki i liði Southgate en nú efast menn um að hann geti spilað á mótinu.
