Erik ten Hag verður áfram stjóri Manchester United. Þetta er staðfest víða í kvöld.
The Athletic segir að Ten Hag verði boðinn nýr samningur.
Það kom til greina að reka Ten Hag en Sir Jim Ratcliffe og hans fólk í INEOS hafa farið yfir málið.
Fundað var með Thomas Tuchel og þá voru menn eins og Roberto De Zerbi og Mauricio Pochettino mátaðir við stafið. En á endanum ákveðið að halda í Ten Hag.
Viðræður um nýjan samning fara fljótlega af stað en Ten Hag hefur stýrt United í tvö ár.
Ljóst er að óvissan síðustu vikur hefur verið erfið fyrir Ten Hag sem er klár í slaginn áfram.
Undir hans stjórn varð liðið enskur bikarmeistari á dögunum. Þá vann það enska deildabikarinn í fyrra en nýafstaðið tímabil í ensku úrvalsdeildinni var alls ekki nógu gott.
