Erik ten Hag, stjóri Manchester United, kennir FFP um það að félagið hafi ekki getað fengið inn nýjan framherja í janúar.

United vill ekki taka áhættu á að brjóta fjárlög UEFA en vildi fá framherja eftir meiðsli franska landsliðsmannsins Anthony Martial.

Martial gekkst undir aðgerð í janúar og er ekki leikfær en Ten Hag viðurkennir einnig að Frakkinn sé á mjög háum launum í Manchester.

,,Það er erfiðast fyrir okkur að fá inn framherja, sérstaklega í þessum gæðaflokki,“ sagði Ten Hag.

,,Við vorum að vinna með tvo framherja. Martial var flottur á síðustu leiktíð en hann er einnig á gríðarlega háum launum.“

,,Ég frétti af stöðu Martial í byrjun janúar og reyndi að fá inn annan framherja en FFP kom í veg fyrir það.“