Hoffmann er í viðtali í Morgunblaðinu í dag þar sem farið er yfir stöðu mála í stríðinu í Úkraínu og hugsanlegri stigmögnun sem margir óttast að verði að veruleika. Hafa sérfræðingar í ríkjum NATO varað við því að Rússar muni ráðast á ríki bandalagsins áður en langt um líður.
Sjá einnig: Þýskur toppráðgjafi segir ekki útilokað að Rússar ráðist á NATO
Sjá einnig: Hugsanlegt að stríð hefjist á milli Rússlands og NATO á næstu 10 árum
Hoffmann er spurður meðal annars um varnarviðbúnað Íslands og vekur svar hans athygli.
„Góðu fréttirnar fyrir Ísland eru að ég held ekki að landið ykkar yrði forgangsskotmark fyrir Rússa þegar kæmi að stigmögnun átakanna. Það eru stefnusmiðir í Evrópu sem eru nær Rússum og eru mikilvægari skotmörk fyrir þá,“ segir hann í viðtalinu en það eru þó einnig slæmar fréttir.
„Slæmu fréttirnar eru þær að það eru engu að síður miklar líkur á því að Ísland yrði fyrir árásum, því að landið yrði að mikilvægri miðstöð fyrir Bandaríkjamenn og liðsflutninga þeirra til Evrópu, og það eru engar líkur á því að Rússar myndu líta framhjá því,“ segir hann.
Hoffmann segir í viðtalinu að frá sjónarhóli Rússa hefðu þeir góða ástæðu til að ráðast á Keflavík, sérstaklega ef átök dragast á langinn og Bandaríkjamenn fara að senda herlið yfir Atlantshafið.
Nánar er fjallað um málið í Morgunblaðinu í dag.
