Þetta segja bóluefnasérfræðingarnir Kate Bingham og Tim Hames og að næsti heimsfaraldur gæti verið af völdum einhverrar af þeim milljón veirum sem enn hafa ekki uppgötvast. Þau eru að gefa út nýja bók, sem heitir „The Long Shot“, að sögn Daily Mail sem fjallaði nýlega um bókina.
„Heimsfaraldurinn 1918-19 banaði að minnsta kosti 50 milljónum manna um allan heim, tvisvar sinnum fleiri en létust í fyrri heimsstyrjöldinni. Í dag getum við átt von á svipuðum fjölda andláta af völdum einhverrar af þeim veirum sem eru nú þegar til,“ segir í bókinni.
Þau benda á fjöldi veira séu uppteknar við að fjölga sér og stökkbreytast og séu raunar fleiri en öll önnur lífsform hér á jörðinni til samans en það sé ekki þannig að allar þessar veirur séu hættulegar fólki en þó nógu margar.
„Eins og staðan er núna þá vita vísindamenn um 25 veirufjölskyldur, hver þeirra samanstendur af hundruðum eða þúsundum mismunandi veira, sem geta valdið heimsfaraldri segja þau.
En það sem er verra að þeirra sögn er að það eru hugsanlega rúmlega milljón veirutegundir sem hafa ekki enn uppgötvast og að þær geti borist á milli tegunda, stökkbreyst mikið og orðið milljónum manna að bana.
Hvað varðar heimsfaraldur kórónuveirunnar segja þau að heimsbyggðin hafi verið „heppin“ þrátt fyrir að veiran hafi orðið 20 milljónum að bana. „Aðalatriðið er að langflestir þeirra sem sýktust af veirunni náðu sér. Á hinn bóginn er dánartíðni af völdum ebólu um 67%. Fuglaflensa ekki langt að baki með 60%. Meira að segja MERS er með 34%. Við getum því ekki veðjað á að auðvelt verði að halda aftur af næsta heimsfaraldri,“ segja þau.
