Napoli tekur fyrir þær fréttir að félagið eigi í viðræðum við Khvicha Kvaratskhelia um að framlengja samning hans.

Hinn 22 ára gamli Kvaratskhelia gekk í raðir Napoli frá heimalandinu Georgíu síðasta sumar og fór á kostum á sinni fyrstu leiktíð.

Í kjölfarið hefur kantmaðurinn verið orðaður við önnur stórlið en undanfarið hefur verið rætt um að hann sé að framlengja samning sinn við Napoli.

Félagið svarar hins vegar fyrir þetta í yfirlýsingu.

„Einhverjir miðlar, sem eru aðeins með umboðsmenn leikmannsins sem heimild, halda áfram að fullyrða að viðræður eigi sér stað um nýjan samning Kvaratskhelia .Þetta er kjaftæði,“ segir í henni.

Samningur Kvaratskhelia rennur ekki út fyrr en eftir fjögur ár.

„Enginn frá Napoli hefur rætt um hugsanlega framlengingu á samningi hans.“