Í tilkynningu frá Slysavarnarfélaginu Landsbjörg kemur fram að í gærkvöldi hafi borist beiðni frá gönguhópi sem var á ferð í talsverðu brattlendi í hlíð milli Skarðstinds og Nípukolls í Norðfirði.

Þarna voru fjórir einstaklingar saman á ferð sem töldu sig komna í sjálfheldu og treystu sér ekki lengra. Björgunarfólk hélt af stað gangandi til móts við fólkið, eftir að það hafði verið staðsett í fjallinu með aðstoð dróna.

Í tilkynningunni segir að reynt hafi verið að leiðbeina fólkinu niður miðað við hvað sást á drónamyndum og í kíki neðanfrá. Björgunarfólk hafi síðan komist að lokum að hópnum og gat leiðbeint og aðstoðað hann niður hlíðina.

Hér að neðan má sjá nokkrar myndir frá björgunaraðgerðinni: