Ungur og virtur krabbameinslæknir, Dr. Krystal Cascetta, er talin hafa myrt ungt barn sitt og í kjölfarið ráðið sjálfri sér bana. Meðal fjölmiðla sem greina frá þessu er Metro.
Atvikið átti sér stað í Somers, smábæ ekki langt frá New York City. Krystal skaut barn sitt og sjálfa sig til bana, að sögn lögreglu. Atvikið átti sér stað á laugardag.
Nágrannar Krystal í Somers lýsa henni sem sem þögulli og vingjarnlegri manneskju. Hún bjó í bænum með sambýlismanni sínum, Tim Talty, en aldur og kyn barnsins hafa ekki verið gefin upp.
„Þau voru falleg ung fjölskylda en við vissum ekki að þau ættu barn,“ segir nágrannakona. Önnur segir: „Ég held á hafi aldrei á minni ævi heyrt nokkurn tíma nokkuð jafn sorglegt og þetta.“
Krystal starfaði sem krabbameinslæknir á Mount Sinai sjúkrahúsinu í New York City. Í tilkynningu frá sjúkrahúsinu segir að Mount Sinai samfélagið sé harmi slegið yfir andláti læknis og barns hennar. Innilegar samúðarkveðjur eru sendar til fjölskyldunnar.
Krystal er sögð hafa verið þekkt fyrir leiðtogahæfni, umhyggjusemi og dugnað í störfum sínum.
