Áður en Glen var tekinn af lífi bauðst honum að segja nokkur lokaorð og valdi hann að tala til Donalds Trump Bandaríkjaforseta áður en aftakan hófst. „Trump forseti. Haltu áfram að gera Bandaríkin frábær. Ég er tilbúinn að fara,“ sagði hinn 62 ára Rogers sem var úrskurðaður látinn stuttu síðar.
Sjá einnig: Maðurinn sem sagðist bera ábyrgð í morðmáli OJ Simpson verður tekinn af lífi í kvöld
Glen og Tina höfðu hist á bar að kvöldi 5. nóvember 1995 og hafði hún beðið hann um að skutla sér heim. Lík hennar fannst svo í baðkari í herbergi mótels í Tampa tveimur dögum síðar og voru á því áverkar eftir hnífstungur. Nokkrum vikum áður hafði hann myrt aðra konu, Söndru Gallagher, eftir að hann hitti hana á bar í Van Nuys í Kaliforníu.
Glen þessi hélt því fram að hann hefði myrt um 70 manns um ævina en lögregla hefur dregið þá fullyrðingu í efa.
Í ávarpi sínu áður en aftakan hófst þakkaði hann einnig eiginkonu sinni fyrir stuðninginn í gegnum árin en hún heimsótti hann á dauðadeildina í gær, nokkrum klukkustundum áður en hann lést.
