Kristjáni Berg, fiskikónginum, er mikið niðri fyrir vegna viðskilnaðs seljanda við húseign sem hann keypti nýlega. Birtir hann myndir sem virðast sýna fullkominn skort á tiltekt og góðri umgengni fyrir afhendingu á húsnæði:

„Við erum búin að greiða en eignin er svona útlítandi eftir afhendingu, tek þetta reyndar ekki sem afhendingu þar sem húsnæðið hefur ekki verið formlega afhent mér, bara tekið úr lás!!

Seljandi er ekki að flýta sér að tæma, þrífa og skila af sér eigninni, eins og tíðkast í fasteignaviðskiptum.

Er bara alveg sama um minn rekstur og hugsar bara um rassgatið á sjálfum sér.

Þvílíkur rasshaus.“

Hann er líka ósáttur við viðbrögð fasteignasölunnar sem annaðist söluna og sakar viðkomandi aðila um skort á kurteisi. Hann spyr hvert þjóðfélagið stefni:

„Hvert er þetta þjóðfélag að fara!!

Í gamla daga var handarband eitthvað sem enginn sveik. Traust, þétt og sterkt handarband var ígildi samings, og svoleiðis svíkur maður EKKI.

Í dag eru greinilega önnur gildi í gangi.

Tillitsleysi, sjálfselska, frekja og yfirgangur.“

Pistil Kristjáns og myndir af vettvangi má sjá með því að smella á tengilinn fyrir neðan, en í lokin segir hann:

„Góða verslunarmannahelgi, ég verð í bænum að taka til.“