Chelsea er óvænt að skoða það að blanda sér í baráttuna um varnarmanninn stóra og stæðilega Harry Maguire.
Frá þessu greina enskir miðlar en Maguire er á förum frá Manchester United í sumarglugganum.
Maguire hefur misst fyrirliðabandið á Old Trafford og eru allar líkur á að hann fari annað í sumar.
Chelsea leitar að miðverði en bæði Cesar Azpilicueta og Kalidou Koulibaly hafa yfirgefið félagið.
Man Utd ku vilja fá 30 milljónir punda fyrir Maguire sem er þrítugur og kostaði 85 milljónir punda frá Leicester árið 2019.
