Kvika fjárfestingabanki hefur slitið viðræðum um samruna bankans við Íslandsbanka. Kemur þetta fram í tilkynningu frá bankanum til Kauphallarinnar en Vísir greinir frá.

Viðræður um mögulegan samruna bankanna hafa staðið yfir undanfarna mánuði. Í tilkynningu sinni segir Kvika að stjórn bankans hafi séð verulegan ávinning í samruna. Hins vegar hafi afburðir síðustu daga breytt stöðunni:

„Í ljósi at­burða síðustu daga og þess að fyrir­séð er að boðað verði til hlut­hafa­fundar hjá Ís­lands­banka og mögu­legs stjórnar­kjörs, telur stjórn Kviku ekki for­sendur til þess að halda samninga­við­ræðum á­fram,“ segir í yfir­lýsingunni frá Kviku. Ennfremur segir:

„Þó er ljóst að á­vinningur af sam­runa fé­laganna gæti orðið veru­legur og hefur stjórn Kviku lýst yfir vilja sínum til þess að hefja við­ræður að nýju ef for­sendur skapast.“