Jesse Lingard hefur sem stendur úr þremur kostum að velja er kemur að framtíð sinni.
Eins árs samningur Lingard við nýliða Nottingham Forest í ensku úrvalsdeildinni er að líða undir lok. Hann kom til liðsins á frjálsri sölu frá uppeldisfélaginu Manchester United síðasta sumar.
Lingard var einn af mörgum leikmönnum sem Forest fékk til liðs við sig síðasta sumar. Það hefur þó ekki gengið sem skildi. Liðið er í fallsæti sem stendur og hefur ekki unnið í tíu leikjum í röð.
Sem fyrr segir verður hinn þrítugi Lingard samningslaus í sumar. Samkvæmt frétt Daily Mail verður hins vegar ekki vandamál fyrir hann að finna sér nýtt starf.
Miðillinn segir að Leicester hafi mikinn áhuga á Lingard og sömuleiðis tyrkneska stórveldið Fenerbahce. Lingard lék eitt sinn á láni með fyrrnefnda félaginu í B-deild.
Þá hafa félög í Mið-Austurlöndum einnig áhuga.
