Graham Potter hefur verið rekinn frá liði Chelsea en þetta staðfestir félagið í kvöld.

Þetta er ákvörðun sem Chelsea tekur eftir 2-0 tap gegn Aston Villa um helgina, á heimavelli.

Potter tók við Chelsea fyrr á tímabilinu en virðist ekki hafa náð til leikmanna og var gengið slæmt.

Chelsea er í 8-liða úrslitum Meistaradeildarinnar en er einnig í 11. sæti úrvalsdeildarinnar.

Bruno Saltor tekur við liðinu tímabundið á meðan leitað er að arftaka Potter.

Blaðamaðurinn virti Fabrizio Romano segir að Julian Nagelsmann sé líklegastur til að taka við enska félaginu.

Nagelsmann var rekinn frá Bayern Munchen á dögunum og tók Thomas Tuchel við starfinu af honum.