Þegar Emelinda Paulino De Rivas, sem er frá Dóminíska lýðveldinu, kom akandi í hjólastól sínum að tollhliðinu á JFK-flugvellinum í New York í síðustu viku tóku tollverðir eftir því hjólastóllinn hennar var ekki eins og hjólastólar eiga að vera.

Mirror segir að hjól hans hafi ekki snúist eðlilega. Tollverðir tóku De Rivas því til hliðar og skoðuðu hjólin betur. Þau voru gegnumlýst og kom þá í ljós að pakkar voru inni í þeim. Í þeim reyndust vera rúmlega 12 kg af kókaíni.

Verðmæti kókaínsins er rúmlega 450.000 dollarar á bandaríska markaðnum.

Eins og gefur að skilja þá var De Rivas handtekin.

Það er ekki einsdæmi að hjólastóll sé notaður á þennan hátt því í byrjun september fundust 13 kg af kókaíni í hjólastól á flugvellinum í Mílanó á Ítalíu. Þar var einnig ferðamaður frá Dóminíska lýðveldinu á ferð.