Toppslagur Lengjudeildarinnar í knattspyrnu og stærsti leikur 18. umferðar deildarinnar fer fram í Kórnum í kvöld þegar HK tekur á móti Fylki.

Leikurinn verður í beinni útsendingu og opinni dagskrá á Hringbraut og hefst klukkan 19:15. Fylkismenn eru með tveggja stiga forskot á toppnum. HK er í 2. sæti en gæti með sigri hirt toppsætið.

Fylkismenn eru á fljúgandi siglingu í deildinni og geta með sigri komist langt með að tryggja sæti sitt í efstu deild að ári. Liðið hefur unnið átta leiki í röð í Lengjudeildinni. HK-ingar mæta hins vegar til leiks með tap á bakinu úr síðustu umferð en liðið tapaði á móti Þórsurum á Akureyri. Þá tapaði liðið einnig gegn grönnum sínum í Breiðablik þegar liðin mættust í 8-liða úrslitum Mjólkurbikarsins á dögunum.

Farið verður yfir allt það helsta úr 18. umferðinni í markaþætti Lengjudeildarinnar á Hringbraut annað kvöld.

Aðrir leikir kvöldsins í Lengjudeild karla
Selfoss – Kórdrengir
KV – Grindavík
Vestri – Fjölnir
Afturelding – Þróttur V.
Grótta – Þór