Thomas Tuchel, stjóri Chelsea, hefur tjáð sig eftir leik við Tottenham á Stamford Bridge í dag.
Chelsea þurfti að sætta sig við 2-2 jafntefli á heimavelli þar sem jöfnunarmark Tottenham var skorað á 96. mínútu.
Eftir leik þá rifust Tuchel og Antonio Conte, stjóri Tottenham, heiftarlega við hliðarlínuna er þeir tókust í hendur.
Tuchel var óánægður með það að Conte hafi ekki horft í hans augu er þakkað var fyrir leikinn og fengu þeir báðir rautt spjald.
,,Þegar þú tekur í höndina á einhverjum þá hélt að þið mynduð horfast í augu en við erum ekki á sömu skoðun,“ sagði Tuchel.
,,Hann var ánægður þegar þeir jöfnuðu og það kom hiti í leikinn en ekkert stórmál. Við fengum báðir rautt spjald? Það var óþarfi.“
,,Það voru margir hluti sem voru óþarfi. Önnur léleg ákvörðun hjá dómaranum í dag. Það var hiti í þessu. Þetta er enska úrvalsdeildin, þetta er leikurinn. Þið elskið þetta, er það ekki? Við elskum þetta, við erum tilfinningaríkir þjálfarar.“
