Joanne Anderson, borgarstjóri Liverpool í Bretlandi, er í sjokki eftir að hafa séð myndband af pari að stunda kynlíf á gangstétt í borginni. Myndbandið hefur vakið töluverða athygli en í því má sjá konu stunda munnmök með manni í almenningsrými.

Parið kippti sér að því virðist ekki mikið upp við það að nokkuð hundruð manns urðu vitni að kynlífinu en þau voru stödd rétt hjá fjölförnu torgi í Liverpool.

„Ég er í algjöru sjokki og hef áhyggjur af myndböndum sem eru í dreifingu þar sem sjá má ósæmilega og kynferðislega hegðun í borginni okkar. Þetta er ekki skemmtilegt – þetta er óþægilegt, skaðlegt og ólöglegt,“ segir borgarstjórinn í færslu sem hún birti á Twitter-síðu sinni vegna málsins.

„Þetta setur líka hættulegt fordæmi fyrir ungar konur og menn í borginni okkar. Ég ætla að vera mjög skýr – þetta er glæpur.“

1/2 I am extremely shocked and concerned at videos circulating showing acts of indecent exposure and sexual activity in our city.

This isn’t amusing – it’s disturbing, damaging and an illegal act.

It also sets a dangerous precedent for the young women & men of our city.

— Joanne Anderson (@MayorLpool) August 4, 2022

Joanne segir að ekki verði farið með léttum höndum með atvik sem þessi. „Ég er búin að tala við lögregluna í Merseyside og hef óskað eftir tafarlausri og viðeigandi aðgerðum.“

Lögreglan í Merseyside hefur gefið út yfirlýsingu vegna málsins en í henni kemur fram að myndbandið sé í rannsókn lögreglunnar. Þá segir lögreglan að núna sé hún að reyna að finna út úr því hvenær nákvæmlega myndbandið var tekið upp.

„Við viljum hvetja fólk til þess að hætta að deila myndbandinu á samfélagsmiðlum og þess í stað segja okkur allt sem það veit um myndbandið eða þau sem eru í þvi.“

Lögreglan tekur í sama streng og borgarstjórinn og segir að hún muni bregðast við öðrum atvikum sem þessu. „Við erum að vinna í því að finna þau sem bera ábyrgð á þessu,“ segir lögreglan.

„Við munum ekki láta svona óásættanlega hegðun frá litlum minnihluta fólks skemma orðspor borgarinnar okkar.“