Raheem Sterling ætti að fá fyrirliðabandið hjá Chelsea eftir að hafa skrifað undir samning við félagið í sumar.

Þetta segir Trevor Sinclair, fyrrum leikmaður liðsins, en Sterling gekk í raðir Chelsea frá Manchester City í sumar.

Sinclair er handviss um að Sterling yrði góður fyrirliði en hann býr yfir mikilli reynslu eftir að hafa leikið með bæði Man City og Liverpool.

,,Ég tel að Sterling ætti að koma inn hjá Chelsea og verða fyrirliði,“ sagði Sinclair í samtali við TalkSport.

,,Hann er varafyrirliði Englands og sá eini sem þú getur sagt að sé með meiri reynslu en hann er Thiago Silva og hann á lítið eftir.“

,,Þú getur ekki byggt liðið í kringum einhvern sem gæti verið á förum eftir tímabilið. Allir horfa upp til hans, þú heyrir unga leikmenn tala um Sterling og hvernig hann hjálpaði þeim.“

,,Að mínu mati gæti hann orðið frábær fyrirliði hjá Chelsea. Hann gæti leitt þetta lið í áttina að einhverju sérstöku.“