Greina niðurstöður með munnvatnssýni
Læknar í Bandaríkjunum dásama nýtt byltingakennt krabbameinspróf sem gerir fólki kleift að komast að því hvort það sé með krabbamein með einföldu prófi. Í fyrstu hrinu tilrauna sem gerðar sýndu nánast fullkomnar niðurstöður samkvæmt skýrslu rannsakenda. Prófið virkar þannig að tekið er munnvatnssýni sem það til kynna hvort krabbameinsfrumur séu til staðar í líkamanum eður ei.
David Wong, prófessor við Kaliforníuháskóla og einn rannsakenda, sagði í samtali við áströlsku útgáfu Daily Mail að hann vonist til að prófið verði komið á markað innan 10 ára: „Við þurfum bara einn dropa af munnvatni og við getum fengið niðurstöðuna eftir 10 mínútur. Það er hægt að gera þetta á læknastofu á meðan þú bíður,“ sagði Wong. „Það ætti einnig að vera hægt að gera fólki kleift að gera prófið heima, eða hjá tannlækni eða í apótekum.“
Wong gerir ráð fyrir að prófið muni kosta um 3000 krónur en enn sem komið er ekki hægt að vita nákvæmlega hvaða eða hvernig krabbamein sé um að ræða nema með frekari rannsóknum. Wong og samstarfsmenn hans þróuðu prófið eftir að hafa uppgvötað að RNA sem gjarnan fylgi krabbameini finnist í munnvatni. Frekari tilraunir á prófinu hefjast í Kína í haust. „Það að krabbamein finnist í tæka tíð er mjög mikilvægt. Því fyrr því betra,“ sagði Wong.