Notendur samfélagsmiðilsins Twitter hafa átt í vandræðum með að tengjast miðlinum síðustu 30 mínútur eða svo og er farið að bera á pirringi hjá notendum. Samkvæmt síðunni Down Detector virkaði allt með eðlilegum hætti þar til um hádegisbilið þegar að tilkynningum um bilanir fór að hrúgast inn en yfir 40 þúsund slíkar tilkynningar bárust á stuttum tíma.
Erlendir miðlar, meðal annars Reuters, eru byrjaðir að greina frá vandræðunum en Twitter hefur ekki gefið út formlega yfirlýsingu um í hverju vandinn felst.
Uppfært 13.20: Samfélagsmiðillinn vinsæli virðist farinn að virka hnökralaust að nýju. Fyrirtækið hefur ekki gefið út hvað gerðist en tugþúsundir notenda tilkynntu um vandræði sín við að skrá sig inn á miðilinn. Bilunin virðist hafa staðið yfir í 40 mínútur.