Eiður Smári Guðjohnsen hefur samþykkt að taka við liði FH í Bestu deild karla en þetta var staðfest í kvöld.
Það hefur lítið gengið upp hjá FH í sumar og var Ólafur Jóhannesson látinn fara frá félaginu eftir síðasta leik gegn Leikni R. sem lauk með jafntefli.
Í kjölfarið fóru af stað háværar sögusagnir um að Eiður myndi taka við og var hans koma tilkynnt í kvöld.
Eiður er að taka við liði FH í annað sinn en hann hætti með liðið árið 2020 til að gerast aðstoðarmaður landsliðsins.
Eiður skrifar undir samning til ársins 2024 og eru miklar væntingar gerðar til hans eins og kemur fram í tilkynningu FH.
Eiður Smári tekur við FH!
Meira hér 👉https://t.co/0TdDpfTNkx#ViðerumFH pic.twitter.com/VaJb05lBUV— FHingar (@fhingar) June 19, 2022