Á fyrsta tímanum í nótt ók ökumaður rafskútu út af gangstétt í Hafnarfirði og féll í jörðina. Hann hlaut áverka á höfði og var fluttur með sjúkrabifreið á bráðadeild.
Fjórir ökumenn voru handteknir í gærkvöldi og nótt grunaðir um að vera undir áhrifum áfengis og/eða fíkniefna. Einn þeirra reyndist vera sviptur ökuréttindum auk þess sem hann notaði ekki öryggisbelti.
Í Mosfellsbæ bakkaði ökumaður ofan í hvilft á vegi síðdegis í gær og endaði bíll hans út af og valt á hliðina. Engin slys urðu á fólki.
Í Breiðholti var kona stöðvuð þegar hún var á leið út úr verslun með matvörur sem hún hafði ekki greitt fyrir. Skýrsla gerð um málið.
Einn ökumaður var kærður fyrir að aka með fjögur nagladekk undir bifreið sinni.
Þrír ökumenn voru kærðir fyrir notkun farsíma í akstri.
