Almennar samkomutakmarkanir fara úr tuttugu manna hámarki og niður í tíu. Skemmtistöðum verður lokað og ekki verður lengur hægt að nýta hraðpróf til að fara á viðburði.
Þetta er meðal þess sem kemur fram í nýjum reglum sem kynntar voru eftir ríkisstjórnarfund rétt í þessu og gilda til 2. febrúar. Reglurnar taka gildi á miðnætti.
Skólar starfa áfram samkvæmt reglugerð, og sundstaðir sem og líkamsræktarstöðvar fá að taka við 50% af leyfilegum hámarksfjölda.
