Á sjöunda tímanum í gær var ekið á mann á hlaupahjóli í Háaleitis- og Bústaðahverfi. Hann meiddist lítillega. Á fyrsta tímanum í nótt var tilkynnt um þjófnað á bifreið í Háaleitis- og Bústaðahverfi. Grunaður þjófur var handtekinn skömmu síðar og vistaður í fangageymslu.

Í Laugardalshverfi var maður handtekinn á fyrsta tímanum í nótt grunaður um líkamsárás. Þolandinn hlaut minniháttar meiðsl. Sá handtekni var vistaður í fangageymslu.

Á áttunda tímanum féll kona í götuna í Hafnarfirði og blæddi úr henni. Hún var flutt á bráðamóttöku.

Tveir ökumenn voru handteknir gurnaður um að vera undir áhrifum áfengis. Einn ökumaður var stöðvaður og síðan metinn óhæfur til aksturs sökum veikinda.